Friday, April 2, 2010

Made in Japan

တခါတုန်းက ဂျပန်လူမျိုးတယောက်ဟာ အမေရိကန်နိုင်ငံကို အလည်ခရီးသွားရောက်ခဲ့တယ်။ နောက်ဆုံးနေ့မှာတော့ သူက တက္ကစီငှားပြီး လေဆိပ်ကိုသွားခဲ့ပါတယ်။ လမ်းတလျှောက်မှာ ဟွန်ဒါတစီးက သူတို့ကားကို ကျော်တက်သွားတာမြင်လိုက်ရတယ်.။ ၀မ်းသာအားရနဲ့ သူအော်လိုက်တာက

ဟွန်ဒါကား အရမ်းမြန်တာပဲ။ ဂျပန်မှာလုပ်တာကိုး...

သိပ်မကြာခင်မှာပဲ တိုယိုတာတစီးက တက္ကစီကို ဖြတ်ကျော်သွားပြန်တယ်။ ဂျပန်လူမျိုးကလည်း ယခင်အတိုင်းပဲ ပြတင်းပေါက်ကနေ ခေါင်းထုတ်ပြီးအော်လိုက်ပြန်တယ်။

တိုယိုတာ အရမ်းမြန်တာပဲ။ ဂျပန်မှာလုပ်တာကိုး...

အဲ့ဒီနောက်မှာ မစ်ဆူဘီရှီတစီးက တက္ကစီကို ကျော်တက်သွားပြန်တယ်။ တတိယအကြိမ်မြောက်အဖြစ် ဂျပန်ကအော်လိုက်ပြန်သတဲ့။

မစ်ဆူဘီရှီ အရမ်းမြန်တာပဲ။ ဂျပန်မှာ လုပ်တာကိုး ...

တက္ကစီမောင်းတဲ့သူလည်း ဒေါသတော့ စဖြစ်လာပါပြီ။ သူက အမေရိကန်လူမျိုးပေကိုး. ဒါပေမယ့် သူတိတ်တိတ်ဆိတ်ဆိတ်လေးပဲ နေနေခဲ့ပါတယ်။ အဆုံးမတော့ တက္ကစီဟာ လေဆိပ်ကို ရောက်လာခဲ့ပါပြီ.
ကျသင့်ငွေ ဒေါ်လာ၃၀၀လို့ သူပြောလိုက်ပါတယ်။

ဂျပန်လူမျိုးက ဒေါသတကြီးနဲ့ငြင်းတော့တာပေါ့.

ဘာဖြစ်လို့တုန်း ဈေးကလည်းကြီးလိုက်တာအရမ်းပဲ။

အဲ့ဒီအခါမှာတော့ တက္ကစီ မောင်းသူက ပြန်အော်ပါတော့တယ်။

မီတာ အရမ်းမြန်တယ်။ ဂျပန်မှာလုပ်ထားတာ......

1 comments:

ရွှေနတ်သား said...

ကိုရွှေဂျပန် ကြီးထိပြီပေါ့လေ...ဟဟဟ

Post a Comment

ထင်မြင်ချက်လေးပေးတဲ့အတွက်ကျေးဇူးတင်ပါတယ်။