Friday, September 2, 2011

အိခေးဘန ( မိုရိဘန )

ဒီနေ့အတွက်တော့ ဂျပန်ရိုးရာ ပန်းအလှပြင်နည်းဖြစ်တဲ့ အိခေးဘနလို့ လူအများသိကြတဲ့
ပန်းထိုးနည်းတွေ များစွာရှိတဲ့အထဲက မိုရိဘန လို့ခေါ်တဲ့ ပန်းအလှပြင်နည်းလေးနဲ့ မိတ်ဆက်ပေးပါ့မယ် ။



ဒီအပေါ်ပုံလေးကတော့ သူ့ရဲ့ အခြေခံအကျဆုံးပုံလေးပါပဲ ... ကိုယ်ကတကယ်လို့ ခွက်သုံးမယ်ဆိုရင်လည်း ခွက်ထဲမှာ ဖော့ခံပေးပါ .. ပန်းထိုးနေကြဆိုရင်တော့ ဖော့ထုံးလေးတွေ အလွယ်တကူ ဆောင်ထားသင့်ပါတယ် ..
အပေါ်ပုံကတော့ ပန်းထိုးတဲ့အခါအမီပြုလို့ရအောင် စိုက်တဲ့ ပန်းစိုက်တံလေးတွေပါ ..
အဆင်ပြေရာ ၀ါးသို့မဟုတ် .. ပလတ်စတစ်ကိုသုံးလို့ရပါတယ် ...




အလည်တည့်တည့်မှာစိုက်ထားတဲ့တိုင်ရဲ့ သုံးပုံနှစ်ပုံလောက်ရှိတဲ့ နောက်ထပ် တိုင်တတိုင်ကို ထပ်ယူပေးပါ ..
ဘက်ဘက်ကို အလှဆင်ချင်ရင်တော့ ဘယ်ဘက်ကို ယူပါ ..
ညာဘက်ကလေးကို ဆန္ဒရှိတယ်ဆိုရင်တော့ ညာဘက်ကလေးမှ အဆင်ပြေပါမယ် ..
အိမ်တွေမှာ ကိုယ်ထားမယ့် နေရာအလိုက် အဆင်ပြေသလိုညှိပေးလို့ရပါတယ် ..




ဒါမှ တခြမ်းစောင်းလေးထက် ပန်းအုံလေးမျိုးပဲ လိုချင်ပါတယ်ဆိုရင်တော့ ဒုတိယစိုက်လိုက်တဲ့ တိုင်လေးရဲ့ သုံးပုံနှစ်ပုံလောက်ရှိတဲ့ တိုင်လေးတခု ထပ်ယူပြီး ပုံမှာပြထားတဲ့အတိုင်း စိုက်ပေးပါနော် ..



သတိပြုရမှာက ပန်းအစစ်ကို ထည့်တော့မယ်ဆိုရင် ကိုယ်ယူထားတဲ့တိုင်ထဲက အတိုဆုံးတိုင်ဘက်မှာ အခုလို အရှည်ပန်းပွင့်ကို ထားရမှာဖြစ်ပါတယ် .. ဘယ်ညာနှစ်ဘက်ကို သေချာလေ့လာကြည့်ရင် တွေ့နိုင်ပါတယ် ..




ဒီပုံလေးကတော့ ကျွန်မတို့ မြန်မာနိုင်ငံမှာဆိုရင် အလွယ်တကူ ရနိုင်တဲ့ ပိန်းပန်းနဲ့ .. ဒန်းစီးလေဒီလို့ အများခေါ်ကြတဲ့ ပန်းလေးနဲ့ .. ရွက်လှနဲ့ကို ရောထိုးထားတာပါ ....



ထိုးနည်းမခက်ပါဖူး ..... အကုန်အကျလည်းမများတဲ့ ပန်းအိုးလေးလို့ ထင်ပါတယ် ...
ဒီပန်းတမျိုးထဲမဟုတ်ဘဲ တခြားအမျိုးအစားလေးတွေ လည်း စမ်းသပ်ကြည့်ဖို့ အြ့ကံပေးပါ့မယ် ...

Saturday, August 27, 2011

ကလေးဘ၀ အမှတ်တရ ( ၁ )

ပထမဦးဆုံး စချက်ဖူးတဲ့ ဟင်းလေးတခွက်၊ မှတ်မိပါသေးရဲ့။
အပူလောင်မှာစိုးလို့ မေမေက မီးဖိုထဲတောင် မ၀င်ခိုင်းပေမယ့် တစက္ကန့်တောင် အညိမ်မနေနိုင်တဲ့အကျင့်လေးနဲ့ ကိုယ်။
သုံးတန်းနှစ်မှာ ဟင်းစချက်ဖူးပါတယ်။ မေမေချက်ရင် ဘေးကနေ လိုက်စပ်စုပြီး မှတ်ထားတတ်တဲ့ အကျင့်လေးကရှိတော့ ကိုယ့်ကိုယ်ကိုယ်တော့ အဟုတ်ပေါ့။
ပထမဦးဆုံး စချက်ဖြစ်တာ မှတ်မှတ်ရရ ဘဲဥချဉ်ရည်ဟင်း။
ဘဲဥကိုပြုတ်တယ်။ အခွံခွာတယ်။ ဘဲဥပြုတ်ထားတုန်းမှာ မန်ကျည်းသီးစိမ်းတယ်။ ငရုတ်သီး ကြက်သွန်ထောင်းတယ်။
နောက်ပုဇွန်ခြောက်ထောင်းတယ်။ ( အနော်တို့အိမ်မှာက ပုဇွန်ခြောက်ထောင်းပြီး ထည့်ချက်လေ့ရှိတယ်။ ထောင်းပြီးသား ပုဇွန်ခြောက်တ၀က်၊ အကောင်လိုက်တ၀က်ပေါ့ ) အဲ့လိုမျိုး ဟုတ်တိပတ်တိနဲ့ ပြင်ဆင်နေတော့ မေမေကလည်း ပြုံးပြုံးပြုံးပြုံးနဲ့ပေါ့။
အဲ့ဒါနဲ့ ဆီသတ် မန်ကျည်းသီးနှစ်လေးထည့်၊ ငံပြာရည်လေးထည့်၊ အချိုမှုန့်လေးထည့်၊ ကိုယ့်ဟာနဲ့ကိုယ်တော့ ဟုတ်နေတာ။
နောက် မေမေတို့ အိမ်ရှေ့ကနေစောင့်နော်၊ ဟင်းနံ့နံမယ်ပေါ့ .. အဟိ။
အဲ့ဒါနဲ့ မေမေတို့က အိမ်ရှေ့ခန်းကနေ စောင့်တာပေါ့နော်။
၁၅ မိနစ်နဲ့လည်း သူ့သမီး အိမ်ရှေ့မထွက်။ မိနစ် ၂၀ နဲ့လည်း ပေါ်မလာ။ နာရီဝက်နဲ့လည်း အသံမကြားနဲ့ စိတ်ပူပြီး နောက်ဖေးမီးဖိုချောင်ထဲ ပြန်ဝင်လာပါလေရော။
အဲ့ကျမှ မီးလေး ဘာလုပ်နေတာလဲလို့လည်း မေးရော ... ဘဲဥချဉ်ဟင်း ရေမခန်းသေးလို့ ထိုင်စောင့်နေတာတဲ့လေ ။
ဟီးးး ... တော်ချက်။
ဘဲဥချဉ်ဟင်းကို ရေတဖလားထည့်ပြီး ရေမခန်းမချင်းထိုင်စောင့်တာ နာကွ .. ဟိ . ဟိ

Wednesday, August 24, 2011

အမှတ်တရ ဆရာမ

ငယ်ငယ်လေးထဲက မိဘနဲ့မခြား ကောင်းခဲ့တဲ့ ဆရာဆရာမတွေနဲ့ တွေ့ခဲ့ဖူးသလို မှတ်မှတ်ရရ စိတ်ထဲမှာ ကျန်နေခဲ့တဲ့ ( အဲ့တုန်းကတော့ ဆိုးတယ်လို့ သတ်မှတ်ခဲ့တဲ့ ) ဆရာမတယောက် ရှိခဲ့ဖူးတယ်။ အထက်တန်းကျောင်းတူ သူငယ်ချင်းတွေ ဒီကျူးပစ်မှာ ရှိရင်တော့ အဲ့ဒီဆရာမကို သိကြမှာပါ။
ဆရာမက အပျိုကြီး၊ အရမ်းအရိုက်ကြမ်းတာ၊ အရမ်းပါးစပ်ကြမ်းတာကို သိပ်ဂုဏ်ယူတဲ့ဆရာမ၊ ဆံပင်ကို အမြင့်ကြီး ခေါက်တင်ထားပြီးတော့ ကြိမ်လုံးကြီးတရွှမ်းရွှမ်းနဲ့ပေါ့။

ကိုယ်ကလည်း ကျောင်းမှာ Top Ten စာရင်းဝင်၊ ဆရာဆရာမတွေက စာတော်လို့သာ ချစ်ကြတာ။ သိပ်အပိုးကျိုးလှတဲ့ ကျောင်းသားတယောက်တော့ မဟုတ်ခဲ့ဘူး။ မှန်တယ်ထင်ရင် ကန့်လန့်တိုက်တတ်တဲ့ ကျောင်းသားမျိုး။
ကျောင်းကဆရာ၊ဆရာမဆီမှာ ကျူရှင်တက်မှ အမှတ်ပေးမယ်လို့ ကြားတာနဲ့ လုံးဝအဲ့ဒီကျူရှင်သွားမတက်ဘူး။ ဘယ်လောက်ပဲ အသင်ပြကောင်းနေပါစေ။ မတက်ဘူးဆိုတဲ့ ကျောင်းသားမျိုး။
အဲ့ဒီတုန်းကတော့ ဆရာ၊ဆရာမတွေမှာလည်း စားဝတ်နေရေးကြောင့်ဆိုတဲ့ အတွေးမျိုးလုံးဝမတွေးတတ်ခဲ့တာအမှန်။
ဆရာမက စာအသင်အပြသိပ်တော်ပါတယ်။ ကျောင်းမှာလည်း သူသင်ပေးရင် အရမ်းကိုရှင်းလင်းသွားတာပါ။
သမိုင်းသင်တဲ့ဆရာမ၊ သမိုင်းဖတ်စာအုပ်ကို မကိုင်ဘဲနဲ့ကို သင်နိုင်တဲ့ဆရာမပါ။ ပြင်ပဗဟုသုတတွေပါ ရှင်းပေးပြီး သင်တဲ့ ဆရာမ။
ကိုးတန်း၊ဆယ်တန်းနှစ်နှစ် ဆရာမနဲ့သင်ခဲ့ရတယ်။ ကိုးတန်းနှစ်တုန်းကတော့ ဘာပြဿနာမှ မရှိခဲ့။ အပြင်ကျူရှင်မတတ်တဲ့ ကျွန်မ ဆရာမသင်တဲ့သင်ခန်းစာနဲ့တင် ကွက်တိပေါ့။

ပြဿနာက ဆယ်တန်းနှစ်မှာ စတာ။ ဆရာမက စာတော်တဲ့ကျောင်းသားတွေအားလုံး သူ့ဆီကို ကျူရှင်သွားကြပေမယ့် မလာတဲ့ ကျွန်မကို နည်းနည်းစိုးရိမ်တာပဲလား၊ မျက်စိနောက်တာပဲလားတော့ မသိ။ တခြားကျောင်းသားတယောက်ကနေ တစ်ဆင့် လေသံစလာပါတယ်။ နွေရာသီမှာကထဲက ကြိုတင်ပြင်ဆင်ထားပြီးဖြစ်တဲ့ကျွန်မ၊ ထပ်ဆင့်ပြောရရင်တော့ မိသားစု စီးပွားရေးအခြေအနေ အပြောင်းအလဲမှာ ကျွန်မ နစ်မြုပ်နေတဲ့အချိန်၊ ကျွန်မကို ချစ်ခင်ကြတဲ့ ဆရာ၊ဆရာမတွေက ကျွန်မအိမ်မှာ ကျူရှင်ဝိုင်းလုပ်ရင်းနဲ့ ကျွန်မတယောက်စာကတော့ တပြားမှမပေးရတဲ့ အချိန်ပေါ့။ ပေးနိုင်တဲ့အင်အားလည်း မရှိခဲ့တာအမှန်။

ဒါပေမယ့် ဆရာမရဲ့ အမြင်မှာတော့ အိမ်မှာဘာသာစုံဝိုင်းတွေလုပ်နေပြီး သူ့ဆီမလာဘူးဆိုတဲ့ အမြင်လည်း ရှိခဲ့မှာပေါ့။
ကျွန်မတယောက်ထဲမဟုတ်ဘဲ အခြားကျောင်းသားတွေမှာလည်း အဲ့ဒီဆရာမကျူရှင်ကိုမသွားတဲ့သူတွေ ရှိခဲ့ပါတယ်။ အထူးသဖြင့် ကျွန်မနဲ့ တွဲတဲ့သူငယ်ချင်းတအုပ်စုလုံး။ ဘယ်သူမှ မသွားကြဘူး။ ပြီးတော့ ကျွန်မတို့ အုပ်စုက မျောက်လွှဲကျော်အုပ်စု။
တမိနစ်လောက် အညိမ်နေရရင်တောင် လူတိုင်းက ထူးဆန်းနေမယ့် အုပ်စုမျိုး၊ အဲ့ဒီလောက်ကျွန်မတို့ အဆော့သန်ခဲ့တာ။
ဒါနဲ့ ဆက်ပြောရရင် ပထမဆုံး လပတ်စာမေးပွဲမှာ ကျွန်မ သမိုင်းဘာသာ ကျတယ်။ ကျွန်မတို့နှစ်က ၉ဘာသာကို ၅ဘာသာနဲ့ဖြေရတဲ့နှစ်။ ၀ိဇ္ဖာတွဲ ( ပထ၀ီ၊သမိုင်း၊ဘောဂ ) ဆိုပြီး ဖြစ်တဲ့အချိန်။ ဒါပေမယ့် လပတ်စာမေးပွဲတွေမှာတော့ တဘာသာချင်း အမှတ်ထုတ်ပေးပါတယ်။
ဆရာမက စာမေးပွဲကျတဲ့သူတွေကို ရိုက်လေ့ရှိတာ ဟိုးပဝေသဏီထဲကမို့ ကျွန်မတို့ မထူးဆန်းပေမယ့် စာမေးပွဲကျတဲ့စာရင်းထဲမှာ ကျွန်မပါလာတဲ့အချိန်မှာတော့ အရမ်းကို ထူးဆန်းသွားခဲ့ပါတယ်။ ကျွန်မတအားလည်း ရှက်သွားခဲ့တယ်။ အဆင့်တစ်ကနေ နှစ်ဖြစ်ရင်တောင် ကမ္ဘာပျက်မယ့်အတိုင်း သောင်းကျန်းတတ်တဲ့ကျွန်မအတွက် ဒဏ်ရာ တော်တော်ပြင်းတာ။ ကျွန်မ ၀ုန်းခနဲထရပ်လိုက်ပြီး ဆရာမ ဘာအတွက် သမီးကို စာမေးပွဲချတာလဲလို့ ထမေးတဲ့အချိန်မှာ တခန်းလုံးကတော့ တိတ်ဆိတ်လို့ပေါ့။ နင် ဘယ်ကစာတွေနဲ့ ဖြေမှန်းမသိဘဲ လိုအပ်တဲ့အချက်အလက်တွေ မပါလို့ တမှတ်မှ မပေးတာတဲ့။ ကျွန်မစိတ်ထဲမယ် ၀ုန်းခနဲဖြစ်သွားတယ်။ တမင်လုပ်ပြီဆိုတာ သိလိုက်တဲ့ ကျွန်မ ( အခုမှ ပြန်စဉ်းစားမိရင် ကိုယ်တော်တော်ဆိုးခဲ့တာပဲ )။ ရိုက်ပါဆိုပြီး အတန်းရှေ့ထွက်ပြီး အပြုံးမပျက်အရိုက်ခံခဲ့တယ်။

ကျွန်မစိတ်နဲ့ ကျွန်မအကြောင်းကို သိထားတဲ့ သူငယ်ချင်းတွေအားလုံးကတော့ တအံ့တသြပေါ့။ ပထမလပတ်မှာ ဒီလိုဖြစ်တဲ့အတွက် ကျွန်မဒုတိယလပတ်ကို ထပ်စောင့်တယ်။ တူညီတဲ့ရလဒ်ပဲ။ ကျွန်မအတွက်သေချာသွားပြီလေ။ သေသေချာချာဖြေထားပါရက်နဲ့ ကျွန်မစာမေးပွဲကျတယ်။ ရတဲ့အမှတ်ကလည်း သုည တဲ့။ တမှတ်မှကို ကျွန်မကို မပေးတာ။ ကျွန်မ ဒုတိယလပတ်မှာတော့ မျက်နှာကြောတင်းပြီ။ နင် အကြောတင်းတယ်။ မျက်နှာကြောကို ပြင်စမ်းဆိုပြီး ကျွန်မကို လက်သီးကြီးဆုပ်၊ မျက်လုံးကြီးပြူးပီး ကြည့်နေတာ။ ကျွန်မလည်း တစက်မှ မျက်နှာကြောမလျော့ဘူး။ ဆရာမ မျက်နှာကိုလည်း မကြည့်ခဲ့ဘူး။ ကျွန်မဘ၀တလျှောက်မှာ ပထမဆုံးနဲ့ နောက်ဆုံးအကြိမ် အရိုက်ခံခဲ့ရဖူးတာ အဲ့ဒီဆရာမကြောင့်ပါပဲ။ မိသားစုမှာလည်း တခါမှ ကျွန်မအရိုက်မခံခဲ့ရဖူးဘူး။

ဒီလိုနဲ့ ကျွန်မ တတိယလပတ်ဖြေတဲ့အချိန်ရောက်လာခဲ့ပါတယ်။ အဲ့ဒီမှာ ကျွန်မညဉ်ဆိုးတွေ စတော့တာပါပဲ။ သမိုင်းဘာသာဖြေတဲ့နေ့မှာ တလုံးမှ ကျွန်မ မရေးခဲ့ဘူး။ ဒီတိုင်း ဗလာစာရွက်အတိုင်းပဲ ကျွန်မပြန်အပ်ခဲ့တယ်။ ကျွန်မတမင်လုပ်ပြီဆိုတာ သိတဲ့ ဆရာမ ဒေါသဆိုတာလေ တခန်းလုံး အပ်ကျသံတောင် ကြားရမလောက် ညိမ်နေခဲ့တယ်။ ကျွန်မကို နင်ဘာအချိုးချိုးသလဲတဲ့ တခွန်းပဲ မေးတယ်။ ကျွန်မ ပြန်ဖြေခဲ့တယ်။ ဖြေလည်း သုည ၊ မဖြေလည်း သုည၊ ဖြေရတာ မင်ကုန်တယ်၊ လက်ညောင်းလို့ပါ ဆရာမ ဆိုပြီး ကျွန်မဖြေသံ အဆုံးမှာ ဆရာမရဲ့ဒေါသက အထွတ်အထိပ်ရောက်သွားပြီး ကြိမ်လုံးကို လွှဲထည့်လိုက်တာ ကျွန်မလေ ကိုယ့်ကိုယ်ကို သေပြီမှတ်တာ။ လုံးဝမရိုက်ပါဘူး၊ နံရံကို လွှဲရိုက်ပြီးထွက်သွားခဲ့တယ်။ အဲ့ဒိတုန်းကတော့ ငါ မမှားဖူးဆိုတဲ့ အတွေးလေးနဲ့ မာနတွေ တခွဲသားနဲ့ ကျွန်မပေါ့။ ကျွန်မဘက်က မှားခဲ့တာဆိုလို့ ဆရာမကို မထီမဲ့မြင်ပြုခဲ့မိတဲ့အမှားပဲ ရှိတယ် ဆိုပေမယ့် ကျွန်မ ဆယ်တန်းအောင်စာရင်းထွက်တဲ့အချိန်မှာ ၀ိဇ္ဖာတွဲ ဂုဏ်ထူးမပါခဲ့ပါဘူး။ အဲ့ဒီအတွက် ကျွန်မဖြစ်ချင်တဲ့ ဆရာဝန်လည်း မဖြစ်ခဲ့ဘူး။


ဘာပဲဖြစ်ဖြစ် ကျွန်မဘ၀မှာ ဆရာကို စော်ကားဖူးသလို ဖြစ်ခဲ့တဲ့အတွက် ကျွန်မပြန်ရလိုက်တာပဲလို့ ကိုယ့်ကိုယ်ကို နောင်တရမိခဲ့တယ်။ ကျွန်မ အင်ဂျင်နီယာတယောက်ဖြစ်ခဲ့တဲ့နောက်မှာ ဆရာမကို ပြန်သွားကန်တော့ခဲ့ပါတယ်။ ဆရာမကို မှားခဲ့တာ ခွင့်လွှတ်ပေးပါဆိုပြီး ကျောင်းသားတွေရှေ့မှာပဲ ကန်တော့ခဲ့ပါတယ်။ မှန်သည်ဖြစ်စေ မှားသည်ဖြစ်စေ ဆရာဆိုတာ ဆရာပါပဲ။

ဆရာတွေမှာလည်း သူ့အကြောင်းနဲ့ သူရှိမှာပါ။ ဘယ်လိုပဲဖြစ်ဖြစ် ကိုယ့်ဘက်က မစော်ကားမိတာဟာ ကိုယ့်ဘ၀အတွက် ကောင်းဖို့ပါပဲ လို့ တွေးနေမိပါတယ်။ ကျွန်မဘ၀မှာ မှားခဲ့ဖူးတဲ့ အကြောင်းအရာတခုနဲ့အတွက် တသက်လုံး နောင်တဆိုတာ ရှိနေခဲ့ရတာပါပဲ။ သင်ဆရာ၊ မြင်ဆရာ၊ ကြားဆရာ အားလုံးကို အမှားရှိခဲ့ရင် ခွင့်လွှတ်ပေးပါလို့ အမြဲတမ်း ကန်တော့ရင်း တောင်းပန်လျှက်ပါ။

နွယ်ပင်လေးနဲ့ကျွန်မ(၂)


နွယ်ပင်လေးရေ ..

ရှင်ကျွန်မကို တစ်ရစ်ထက်တစ်ရစ် ရစ်ပတ်နှောင်ဖွဲ့လာခဲ့တာ . လှုပ်မရအောင် နစ်မြုပ်စေခဲ့တာ .. ရှင့်သံယောဇဉ်တွေတဲ့လား။
တခါတလေမှာ မွန်းကြပ်မှုတွေအပြည့်နဲ့ ကျွန်မသက်ပြင်းချလိုက်မိတဲ့အခါတိုင်း ရှင်ဘာလို့ မနှစ်မြို့ခဲ့တာလဲ။
အတွေးမောတွေနဲ့ ကျွန်မ သက်ပြင်းချမိလာတတ်တာ ကျွန်မရဲ့လုပ်ဖော်ကိုင်ဖက်တွေတောင် သတိထားမိတဲ့အထိပါပဲ။
ဘယ်လိုမှ မဖြစ်နိုင်ဘူးဆိုတဲ့ အတွေးတွေကြားထဲကမှ သံယောဇဉ်တွေ အထပ်ထပ်ဖွဲ့လို့ အခုဆို ကျွန်မတို့ တူညီတဲ့ အိပ်မက်တခုကို အကောင်အထည်ဖော်ဖို့ လက်တွဲတွေမြဲခဲ့ကြပြီနော်။
ကျွန်မသိပ်နှစ်သက်တဲ့ အပြုအမူလေးတွေ ရှင့်မှာ အပြည့်ရှိသလို ရှင်နှစ်သက်တဲ့ အပြုအမူလေးတခုကို ကျွန်မဆီမှာ ရှင်မြင်လိုက်တိုင်း နှစ်နှစ်ခြိုက်ခြိုက်ပြုံးတတ်တာ ကျွန်မမသိဘဲ နေပါ့မလား။
ရှင်နဲ့ကျွန်မ ဘယ်အရာမှ မတူဘူးလို့ ထင်ခဲ့မိတဲ့ ကျွန်မ .. ကျွန်မတင် မဟုတ်ပါဘူးလေ. ရှင်လည်း ဒီလိုပဲ ယူဆခဲ့တာပဲ မဟုတ်လား။ တကယ့်တကယ် သံယောဇဉ်တွေ ရစ်ပတ်နှောင်တွယ်ရင်း တယောက်အကြောင်းတယောက်ပိုသိလာတဲ့ အချိန်မှာ ရှင်နဲ့ကျွန်မ တူညီတဲ့ စရိုက်တွေ အများကြီးပဲဆိုတာ တစ်စထက်တစ်စ ပိုသိလာရတယ်နော်။
စာပေချစ်တတ်တာ၊ ခရီးသွားရတာ နှစ်သက်တာ၊ စကားနိုင်လုတတ်တာ၊ သီချင်းတွေ ချစ်တတ်တာ၊ အစားအသောက် မရွေးတတ်တာ၊ အကြောင်းအရာတော်တော်များများ ရှင်နဲ့ကျွန်မ ထပ်တူကျနေခဲ့တယ်။
စကားနိုင်လုတိုင်းလည်း အရှုံးမပေးဘဲ စကားပြိုင်ပြောကြရင်း အချိန်တွေကုန်မှန်းမသိ ကုန်ဆုံးစေခဲ့တယ်။
တခုအံ့သြဖို့ကောင်းတာက ရှင်နဲ့ကျွန်မ စကားနိုင်လုတိုင်း ရန်ဖြစ်ဖို့ ဘက်ကို ဦးတည်မနေခဲ့တာပဲ။
တယောက်နဲ့တယောက် အနိုင်မခံ အရှုံးမပေးဘဲ စကားနိုင်လုကြရင်း ကျွန်မက ခပ်တည်တည်လုပ်ပြီး စိတ်ဆိုးချင်ယောင်ဆောင်လိုက်ရင်တော့ ကျွန်မဆံပင်တွေဆွဲဖွပြီး လူဆိုးမလေးလို့ ပညတ်ရင်းနဲ့ အလျော့ပေးတတ်တာလည်း ရှင်ပါပဲ။
ကျေးဇူးတင်ပါတယ် နွယ်ပင်လေးရယ်။ ကျွန်မရဲ့ နွယ်ပင်လေးလို့ ရှင့်ကို ပညတ်လိုက်တုန်းက ရှင်တအံ့တသြနဲ့ ပြုံးစိစိ ဖြစ်နေခဲ့ပြန်ပေါ့။ ပတ်ဝန်းကျင်တခုလုံးက အံ့သြရလောက်အောင် ရှင့်အကြင်နာ ယုယမှုတွေနဲ့ ကျွန်မကို ရစ်ပတ်နှောင်ဖွဲ့ခဲ့သလို ကျွန်မရဲ့ ဆုံးဖြတ်ချက်ခိုင်မြဲခဲ့တာလည်း ရှင့်ရဲ့ သစ္စာတရားကြောင့်ထင်ပါရဲ့။
မိသားစုအပေါ် စိတ်ပူတတ်တဲ့ကျွန်မအတွက် ရှင့်ရဲ့ တခွန်းထဲသော ကတိစကားက အားအင်တွေ ဖြစ်စေခဲ့တယ်။
မေမေတယောက်ထဲအတွက် ဘ၀ကို ရပ်တည်ခဲ့တဲ့ ကျွန်မအတွက် လေးနက်တဲ့ မေတ္တာတရားတွေပေးခဲ့တဲ့ရှင့်ကို မေမေမြင်ရင်လည်း သဘောကျမယ် ထင်ပါရဲ့ နွယ်ပင်လေးရေ။

ကျွန်မရဲ့ ယုံကြည်မှုတွေကို ခိုင်မာခွင့်ပေးပါ ..
ကျွန်မရဲ့ ခံစားမှုတွေကို ပိုမိုလေးနက်ခွင့်ပေးပါ ..
ကျွန်မရဲ့ အားကိုးမှုတွေကို ပိုမိုတည်ဆောက်ခွင့်ပေးပါ ..

နွယ်ပင်လေးရေ ... အစစအရာရာအတွက် ကျေးဇူးပါ။


နွယ်ပင်လေးနဲ့ကျွန်မ(၁)

တယောက်ထဲ လည်ပတ်ရတဲ့ ဘ၀မှာနေသားကျအောင် ကြိုးစားခဲ့ဖူးတယ်။
မနက်အိပ်ယာထရင်တောင် အမေနှိုးမှ ပေကပ်ထတတ်တဲ့ကိုယ်၊ အကိုအိပ်ယာ ၊ အဖွားအိပ်ယာ အတင်းပြန်ဝင်ခွေပြီး အိပ်တတ်တဲ့ ကိုယ်၊ တယောက်ယောက်မရှိရင် ဂျစ်တိုက်ပြီး စိတ်ကောက်တတ်တဲ့ကိုယ်၊ မိဘနဲ့ ဝေးရာအရပ်ရောက်တာ ဘာလိုလိုနဲ့ သုံးနှစ်ကျော် လေးနှစ်ထဲဖြစ်လာပြီ။
တယောက်ထဲဆိုမှ တယောက်ထဲ၊ ညဉ့်နက်သန်းခေါင် ကော်ဖီတွေ ထသောက်လို့မှ တားမယ့်သူမရှိ၊ တညလုံး ကွန်ပျူတာရှေ့ ငုတ်တုတ်ထိုင်လို့ ဆူမယ့်သူမရှိ၊ အဖော်ဆိုလို့ ကိုယ်ချစ်တဲ့အရုပ်ကလေးတွေရယ်၊ ကွန်ပျူတာလေးရယ် ၊ ချောက်ချက်မြည်နေတတ်တဲ့ နာရီလေးရယ်ပဲ ရှိခဲ့တာ။
အွန်လိုင်းမှာ တွေ့သမျှ သူငယ်ချင်းတွေကို နောက်ပြောင်၊ ဘယ်သူမှ မရှိတဲ့အခါလည်း စိမ်းနေတဲ့ ကိုယ့်နစ်ကလေးကိုယ် ပြန်ကြည့်ရင်း အပျင်းဖြေ၊ နောက် အဲ့ဒီကနေ ဖိုရမ်တွေ ချက်ရွမ်းတွေထဲ လည်ပတ်တတ်လာခဲ့တယ်။
အလုပ်နဲ့အိမ်နဲ့ကလွဲလို့ အပျင်းဖြေစရာမရှိတဲ့ကိုယ်၊ အင်တာနက်ကပဲ ကိုယ့်အဖော်ဖြစ်ခဲ့ပြန်တာပေါ့။
ကော်ဖီကို နှစ်နှစ်သက်သက် စွဲလန်းခဲ့တဲ့ကိုယ်၊ ညဉ့်အိပ်ခါနီး မသောက်ရဆိုတဲ့ ပညတ်ချက်တခုကိုလည်း စွဲလန်းခဲ့ဖူးပါရဲ့။ ကိုယ်တိုင် တည်ဆောက်ထားခဲ့တဲ့ ဘလော့လေးမှာ လာရောက်လည်ပတ်သူ ဘယ်နှယောက်ဆိုတာလေးကိုလည်း ကြည့်ပြီး ကြည်နူးခဲ့ဖူးပါရဲ့။ ကိုယ်ရေးထားတဲ့ ပို့စ်တွေမှာ ကျေးဇူးတင်သူ ဘယ်နှယောက်ဆိုရင်လည်း ပျော်မြူးခဲ့ဖူးပါရဲ့။
ရေးဖော်ရေးဖက် မိတ်ဆွေ အပေါင်းအသင်းတွေရဲ့ကြားမှာလည်း ပျော်ရွှင်ခဲ့ဖူးပါရဲ့။ မနက်မိုးလင်းကနေ မိုးချုပ် ပုံမှန်လည်ပတ်နေတဲ့ ကမ္ဘာတခုကို နွယ်ပင်လေးတပင် တိုးလာခဲ့တယ်။ နွယ်ပင်လေးရေ .. ရစ်ပတ်မိမှတော့ ပြတ်သုဉ်းမသွားပါရစေနဲ့ ။
သူငယ်ချင်းတွေ အပေါင်းအသင်းတွေ အားလုံးရဲ့ သတိပေးစကား၊ စိုးရိမ်စကားတွေကြားမှာ ရင်တွေ ပူတတ်လာတဲ့ ကိုယ်၊ သူငယ်ချင်းတွေ အပေါင်းအသင်းတွေ အားလုံးရဲ့ နောက်ပြောင်ကျီစယ်သံတွေကြား ကြည်နူးတတ်လာတဲ့ ကိုယ်၊
လူတကိုယ်နဲ့ စိတ်တွေ အမျိုးမျိုး ထွေပြားလို့ ၊ ကိုယ့်ရဲ့ နေ့တဓူဝ လုပ်ငန်းစဉ်တွေတောင် မေ့လျော့လာတတ်ခဲ့တယ်။
နွယ်ဆိုတဲ့ သဘောက ရစ်ပတ်တတ်တဲ့ အမျိုးအနွယ်ပေမို့ ရုန်းထွက်ဖို့ မေ့လျော့နေခဲ့တဲ့ကိုယ် အသက်ရှုကြပ်လာကာမှပဲ သတိထားမိပြန်တော့တယ်။ နွယ်ပင်လေးရေ .. ကိုယ့်ကို ရစ်ပတ်နှောင်တွယ်ခြင်းတွေနဲ့ ဘာကြောင့်များ အသက်ရှုကြပ်စေခဲ့တာလဲ။
နွယ်ပင်လေးရေ .. ရှင် အလိုမရှိတဲ့ တနေ့ ထားရစ်ခဲ့နိုင်ပါတယ်။ ရှင်သန်နေတဲ့ အသက်ဝိညာဉ် ပျောက်ဆုံးသွားမယ့် တနေ့ထိ ရှင့်ရဲ့ ရစ်တွယ်နှောင်ဖွဲ့မှုတွေကို ကျေကျေနပ်နပ် ခံယူနေဦးမှာပါ။
နွယ်ပင်လေးရေ ......... ရှင့်ကို ကျွန်မ သိပ်လွမ်းတတ်နေပြီ။

Wednesday, April 13, 2011

သင်္ကြန်အလွမ်း

သင်္ကြန်တောင် ရောက်လာပြန်ပြီ .. မွေးရပ်ကနေ ထွက်လာချိန်ကစလို့ သင်္ကြန်ဆိုတာကို ခွဲခွာလာရတဲ့ ကျွန်မ .. ရောက်နေတဲ့အရပ်ဒေသကလည်း သင်္ကြန်ဆိုတာ မရှိတဲ့ ဒေသ ...
သင်္ကြန်ပွဲတော်ဆိုလို့ သွားကြည့်မိသေး .. အပြေးအလွှား .. ဘာဆိုဘာမှ သင်္ကြန်အနံ့အသက်မရှိတဲ့ နေရာဖြစ်နေတာမို့ .. တော်ပါပြီဆိုတဲ့ စိတ်ပျက်လက်ပျက် ..

ငယ်ငယ်လေးထဲက သင်္ကြန်မှာ ရေပက်ခံထွက်ဖို့ ဝေးစွ .. မဏ္ဍပ်ထိုင်ဖို့ ဝေးစွ .. ရေကစားချင်ရင် အိမ်ရှေ့ထွက်ဆော့လို့ ခွင့်ရခဲ့ပြန်တော့လည်း အရွယ်လေးရောက်ချိန်ကစလို့ မြို့လယ်ခေါင် ၈ထပ်တိုက်က ကျွန်မ .. ဘယ်နားမှာ ရေပက်ခဲ့ရပါလိမ့်မလဲ ... ဒါပေမယ့် သင်္ကြန်ဆိုတဲ့ အနံ့အသက်လေးရလာတာနဲ့ ရင်ထဲမှာ လှပ်လှပ်လှပ်လှပ် နဲ့ ခံစားရင်း ကြည်နူးတတ်ခဲ့တဲ့ ကျွန်မ ...
သင်္ကြန်နားနီးတိုင်း သင်္ကြန်အက ကချင်လို့ .. ယိမ်းထဲပါချင်လို့ .. သီချင်းသွားဆိုချင်လို့ .. ရေပက်ခံထွက်ချင်လို့ .. မဏ္ဍပ်ထိုင်ချင်လို့ .. အို ...... ခေါင်းစဉ်ပေါင်းမျိုးစုံ တပ်ပြီးတောင်းဆိုခဲ့ဖူးတဲ့ ကျွန်မ ... တခါမှလည်း အခွင့်မရခဲ့သလို ... နှစ်တိုင်း မုန့်လုပ်ပြီး အိမ်တွေ လျှောက်ဝေတာနဲ့ ပဲ အဆုံးသတ်ရလေ့ရှိပြန်တာပါပဲ ..

အိမ်ထဲမှာပဲ နေရင်း မုန့်လုပ်လို့ လိုက်ဝေရင်း သင်္ကြန်သီချင်းတွေဖွင့်လို့ ပျော်နေတတ်ခဲ့တာလေးတွေ လွမ်းတယ် ... သင်္ကြန်နဲ့ တူတာဆိုလို့ ကျွန်မရဲ့ အဖွားကို သင်္ကြန်မဏ္ဍပ်မှာ ယိမ်းတွေကို ဆုပေးတဲ့ အကဲဖြတ်အဖွဲ့ထဲ တောင်းတောင်းပန်ပန်နဲ့ လာခေါ်သွားလို့ ကျွန်မပါလိုက်သွားရင်း ဖျော်ဖြေရေးအနေနဲ့ ပန်းကုံးလေးကောက်စွဲလို့ ကခဲ့ဖူးတာလည်း သတိရပါရဲ့ ...........
နောက်တော့ သင်္ကြန်ယိမ်းတွေ မဏ္ဍပ်တွေ အလှပြကားတွေလည်း မရှိတော့ပြန်တာမို့ ကျွန်မရဲ့ အပြင်ထွက်ခွင့်လေး ဆုံးရှုံးရပြန်တာပေါ့လေ ... ဒါပေမယ့်လည်း ကျွန်မ သင်္ကြန်ကို သိပ်ချစ်တယ် ..

အားလုံးရဲ့ အပျော်တွေ ကြည်နူးမှုတွေ .. အတွေ့အကြုံတွေကို မမောနိုင်မပန်းနိုင် နားထောင်ရင်း နောက်နှစ်ဆိုရင်တော့ ဖြစ်အောင် ကစားမယ် .. သွားမယ်နဲ့ .. တစ်နှစ်မှ မဖြစ်မြောက်ခဲ့လည်း ကျွန်မ သင်္ကြန်ကို ချစ်တယ် ... အိမ်နားမှာ ထိန်နေအောင် ပွင့်တဲ့ ပိတောက်ပင်ကြီးအောက်မှာ ပိတောက်ပန်းသွားခူးပြီး ဘုရားကပ်ရတဲ့ အရသာကို လွမ်းတယ် ..

အခုတော့ အမိမြေမှာ ရွှေဝါရောင် ပိတောက်တွေ ထိန်နေခဲ့ချိန် ကျွန်မလက်ရှိနေတဲ့ အိမ်လေးရဲ့ အနားမှာတော့ ချယ်ရီပန်းတွေက ဝေလို့ပေါ့ .. ချယ်ရီလမ်းကလေးလို့တောင် တင်စားရလောက်တဲ့ အရမ်းကို လှတဲ့သဘာဝရှုခင်းလေးတွေ ကြားမှာ နေနေရပေမယ့် ကျွန်မရဲ့ မြေ .. ကျွန်မရဲ့ ဇာတိ အမေ့အိမ်လေးကို လွမ်းတယ် ..

အလုပ်စားပွဲမှာထိုင်လို့ ကော်ဖီသောက်နေရတဲ့အချိန်မှာ ခုချိန်လောက်ဆို မုန့်လုံးရေပေါ် သာကူမျိုးစုံ ရွှေရင်အေး ကျောက်ကျော တွေ အမေ့အိမ်လေးမှာ ပုံနေလောက်ပြီလို့ တွေးမိပြန်တော့လည်း လွမ်းလိုက်တာ သင်္ကြန်ရယ် .. သင်္ကြန်ရေနဲ့ မထိရမှာစိုးလို့ မုန့်သွားကြိတ်ဖို့ကို မောင်နှမနှစ်ယောက် အလုအယက် တာဝန်ယူကြရင်း .. အဆုံးမတော့ ကျွန်မကို အမြဲအလျော့ပေးတတ်တဲ့ အကိုကိုလည်း လွမ်းတယ် .. မုန့်သွားကြိတ်တဲ့ တချိန်ရယ် .. မနက်စောစော ဥပုသ်သည်တွေလှုဖို့နဲ့ နေ့တိုင်း ဆွမ်းကပ်လေ့ ရှိတဲ့ ကျွန်မတို့ မိသားစုအတွက်ကတော့ မနက်စောစော ရေပက်တဲ့သူတွေ မရှိသေးချိန် အလုအယက် ဈေးဝယ်လေ့ရှိပေမယ့် စောစောစီးစီး ထပက်တတ်တဲ့ ကလေးတွေ ရှိလို ရှိညား ဆုတောင်းရတဲ့ အချိန်လေးတွေကို လွမ်းတယ် ..

သင်္ကြန်ဇာတ်လမ်းတွေကြည့်ရတိုင်း အိမ်ပေါ်ကနေ ရေပက်ခံကားတွေကို လှမ်းကြည့်လို့ သူတို့တွေဆီကို အပျော်တွေ ကူးစက်ပြီး မျှဝေခဲ့ရတဲ့ နေ့ရက်တွေကိုလည်း လွမ်းပါရဲ့ ..
သင်္ကြန်ဆိုတဲ့ ခံစားချက်နဲ့ မနက်စောစော နိုးနေတဲ့ ကျွန်မ သင်္ကြန်သီချင်းတွေကို Repeat လုပ်ဖွင့်လို့ ကိုယ့်အခန်းကျဉ်းလေးထဲမှာ ငြိမ်ငြိမ်လေးနေရင်း လွမ်းလိုက်တာ သင်္ကြန်ရယ် .....

Friday, April 1, 2011

ဧပရယ်ဖူးတဲ့လားကွယ် ..

You Make Me Cry .. Make Me Smile .. You always stand by my side .. I dun want to say goodbye ..


ကျွန်မရုံးရောက်ရုံရှိသေး .. မနက်အစည်းအဝေးခန်းထဲမ၀င်ခင် လက်စွဲတော် ဖုန်းလေးက မြည်သံပေးလို့လာပါတယ် .. ဖုန်းပိတ်ချဖို့ အပြင် ကြည့်လိုက်တော့ .. အိုး .. ကျွန်မရဲ့ သူ ပါလား …

နှစ်ရှည်လများ သူငယ်ချင်းဘ၀လေးနဲ့တင် ကျေနပ်နေတဲ့ ကျွန်မရဲ့သူ ……

မနက်စောစောစီးစီး ဘာများဖြစ်လို့ပါလိမ့် ဆိုပြီး ကျွန်မ ကမန်းကတန်း ကောက်အကိုင် ..


မောနင်း ငယ်ငယ် ..


မောနင်း .. ညီ ..

ဟိတ်ညီ စောစောစီးစီးပါ့လား .. ငယ် အစည်းအဝေးခန်းထဲ ၀င်ရတော့မှာကွ .. ပြော …


ငယ်ငယ် .. ငါဒီနေ့ည ၁၁နာရီ ဖလိုက်နဲ့ Narita လေဆိပ်ကို ရောက်မယ် … အဲ့ဒါနင့်ကိုလှမ်းပြောတာ …

အိုး……………………………….. ကျွန်မ တကိုယ်လုံး လေထဲလွင့်သွားသလို ခံစားလိုက်ရတယ် .. ပျော်လိုက်တာ … ကျွန်မနဲ့သူ တနိုင်ငံစီဝေးကွာပြီးထဲက မတွေ့ရတာ တော်တော်ကြီးကို ကြာခဲ့ပြီလေ ..

တခါတလေ ဖုန်းအဆက်အသွယ် .. အီးမေးလ်ပို့ရုံကလွဲလို့ ဝေးကွာနေတဲ့ ကျွန်မတို့နှစ်ယောက် .. တနိုင်ငံထဲမှာ တွေ့ခွင့်ရမတဲ့လား ..

အိုကေ .. ညီ .. ငယ်ညနေလာကြိုပေးရမှာလား …

အင်းပေါ့ ငယ်ငယ်ရဲ့ .. ငါမှ ဂျပန်စကားမတတ်တာကို . နင်မှလာမကြိုရင် ငါဒုက္ခရောက်မှာပေါ့ .. နင်လာစောင့်နော် .. ည၁၁နာရီတိတိ …


အိုး….ကေ ….. ညီ …. I will wait you sure …. See u..


အပျော်များစွာနဲ့ ကျွန်မ .. အစည်းအဝေးထဲမှာလည်း ဘေးကလုပ်ဖော်ကိုင်ဖက်တွေက မေးယူရလောက်အောင် ကျွန်မရဲ့ မျက်နှာမှာ အပျော်တွေ ထင်ဟပ်နေသတဲ့ … တနေကုန်ကျွန်မ နာရီလေး တကြည့်ကြည့်ပေါ့ .. .ဘာအလုပ်ကိုမှ စိတ်မ၀င်စားနိုင်လောက်အောင် .. ကျွန်မ ဆုတောင်းနေမိတယ် .. အချိန်တွေရယ် ကုန်ပါတော့ … ကျွန်မရင်ထဲက သူငယ်ချင်းကလေး .. သူက ကျွန်မဆီလာမတဲ့လား ….. ပျော်လိုက်တာ ညီရယ် .. ဒီတခါတော့ ကျွန်မတို့တွေ မဝေးကြရအောင် … ကျွန်မလေ ……………………


ကျွန်မတွေးနေရင်းနဲ့ ဟိုးအတိတ်ဆီကို စိတ်တွေပြန့်လွင့်သွားပြန်တယ် … တကယ်တော့ ညီ နဲ့ ငယ်ငယ်ဆိုတာ အထက်တန်းကျောင်းမှာကတည်းက အတူတူ … တက္ကသိုလ်ရောက်ပြန်တော့လည်း အင်ဂျင်နီယာတူတူဖြစ်ခဲ့ကြသူတွေပေမယ့် .. မတည့်အတူနေ . တကျက်ကျက်ပါ .. ရည်းစားတွေများလွန်းတဲ့ ညီ နဲ့ စာကြမ်းပိုးကျွန်မ … ဒင်းရဲ့နှိပ်စက်မှုကို ခံရတာအများဆုံးကလည်း ကျွန်မပါပဲ။ ကောင်မလေးလှလှလေးတယောက်ကိုမို့ တွေ့လိုက်ပြီဆိုရင် ညီ စိတ်ဝင်စားပါပြီ . ညီရမှ ဖြစ်မယ် ။ ညီ ရင်ခုန်လာပြီ။ ဒီတခါတော့ အတည်ပါနဲ့ ပြောတာတွေ ကြားရပါများလွန်းတော့လည်း ကျွန်မ ရိုးအီနေလောက်အောင်ပါပဲ။ သိပ်မကြာခင်မှာပဲ ဒီတယောက်ကို သဘောမတွေ့တော့ပြန်တာလည်း ညီပဲမို့ ကျွန်မကတော့ အရေးကိုမလုပ်တော့တာပါ။ ကျောင်းတွေပြီးလို့ ကျွန်မတို့ လုပ်ငန်းခွင်ဝင်တဲ့အချိန်ကစလို့ ညီနဲ့ ငယ်ငယ်ဆိုတာ ကွဲသွားခဲ့ကြတာ သာရေးနာရေးနဲ့ တခါတလေကျမှပဲ တွေ့ဖြစ်တော့တဲ့အထိပါပဲ။ သူ့ဇာတ်လမ်းတွေကိုတော့ အသစ်ပြောင်းတိုင်း ဖုန်းဆက်ပြီး ပြောလေ့ရှိတာမို့ ကျွန်မလည်း သူနဲ့ပတ်သတ်ရင် ဘယ်လိုခံစားရမှန်းကို မသိတော့အောင်ပါပဲ။ ကျွန်မလည်း စိတ်ဆိုးတဲ့အခါ သူ့ကို ဘယ်လိုနာအောင်ပြောပြော ရယ်ဖြဲဖြဲနဲ့ ငယ်ကလည်းကွာ ညီက ချစ်လို့စတာကို လို့ ပြောလေ့ရှိတဲ့သူ .. ကျွန်မကလည်း နင့်ရည်းစားတွေ သွားပြော ငါ့ကို လာမပြောနဲ့ ဆိုပြီး အပြန်အလှန်အော်နေကြ . နောက်ဆုံးတော့ ကျွန်မတကယ်စိတ်ဆိုးပြီဆိုရင် ကျွန်မအကြိုက် အရုပ်တရုပ်ဝယ်ပေးပြီး ချော့တော့တာပါပဲ ။ ညီရယ် .. သတိရလိုက်တာ။


ရုံးဆင်းချိန်ကြီးတောင် နီးလာပါပေါ့လား ။ ကျွန်မညီ့ကို သွားကြိုရဦးမှာပဲ။ ကျွန်မအလုပ်နဲ့ လေဆိပ်နဲ့က အတော်လေးအလှမ်းကွာတာမို့ စောစောမထွက်ရင် မဖြစ်ချေဘူး။ သြော် . ဒီနေ့မှပဲ ငါ့နှယ် လှလှပပလေး မပြင်ခဲ့ရဘူး။ ဒီရက်ပိုင်းထဲ ကျွန်မပရောဂျက်က အရမ်းကို ပင်ပန်းနေခဲ့တာမို့ ချောင်ကျနေတဲ့ မျက်နှာလေးနဲ့ ကျွန်မ၊ လှချင်ပါတယ်ဆိုမှ အလှပါမပြင်ခဲ့မိဘဲ မျက်နှာပြောင်လေးနဲ့ ဖြစ်နေပြန်တာမို့ ကမန်းကတန်း ပါးပါးလေးသွားပြန်နေမိပြန်တယ် ။ အလုပ်က ဂျပန်လူမျိုးမိတ်ဆွေတွေကတော့ ကျွန်မရဲ့ ထူးခြားမှုကို ပြုံးစိပြုံးစိပေါ့ စနောက်နေကြပြန်တယ်။ ကျွန်မကလည်း ကျွန်မပါပဲလေ။ သူ့ဆီက ဖုန်းလာတာနဲ့ ဟန်တောင်မဆောင်နိုင်ဘဲ အပျော်တွေလွန်နေမိပြီး ပြောမိသွားတာကိုး။


အိုး. ၇နာရီထိုးပြီ။ကျွန်မလေဆိပ်ဆင်းရတော့မယ်။ အိတ်ကလေးဆွဲလို့ ကျွန်မ လေဆိပ်ကိုအပြေးလေးလာခဲ့မိပါတယ် ။ ည၉နာရီ လေဆိပ်ထဲကိုရောက်နေတာမို့ ကျွန်မ ညစာလည်း မစားရသေးတာနဲ့ လေဆိပ်ထဲက ခရီးသည်ထွက်ပေါက်နဲ့အနီးဆုံးဖြစ်မယ့် ဆိုင်ကလေးကို ရွေးပြီး ထိုင်နေမိပါတယ် ။


အဲ့ဒီအချိန်မှာပဲ ….


You Make Me Cry . Make Me Smile .. Make me feel the love is true .. Oh .. I love you. Thank you for all the love u always give to me .. Oh . I love you …


ကျွန်မရဲ့ လက်စွဲတော်ဖုန်းလေး မြည်လာပြန်ပါတယ် .


အလိုလေး မြတ်စွာဘရား ညီ့ဖုန်းနံပါတ် ။ ကျွန်မခေါင်းတွေခြောက်သွားတယ်။ ဒီချိန် ညီက လေယာဉ်ပေါ်မှာ ရှိနေရမှာလေ။ ကျွန်မသူ့ကိုလာကြိုနေပြီလေ။


ကျွန်မ တုန်လှုပ်ခြင်းများစွာနဲ့ ဖုန်းကို ကောက်ကိုင်လိုက်မိတဲ့အခါ …


ငယ်ငယ် .. April Fool …


ဘာ……………………………………… ကျွန်မ ဖုန်းကိုင်ထားတဲ့လက် ပြေလျော့ကျသွားပါတယ်။


ငယ်ငယ်ရာ .. နင်ကလေ အရင်အတိုင်းပဲ ငပိန်းလေး သိလား ။


ညီ .. နင် .. နင် ..


ငယ်ငယ်ရာ .. နင့်ဆီလာမှတော့ အရင်နေ့တွေထဲက ငါမေးလ်ပို့မှာပေါ့။ အရူးမလေးရဲ့ .. Just April Fool နော် .. Dun anger me Baby .. Ok .. See u .. ခုတော့ ငါ့ဆွိထ်လေး လာနေပီ။ လိမ့်ဦးမယ် .. ဘိုင် ..


ကျွန်မ သူဖုန်းချသွားတဲ့ထိ စကားတခွန်းမှ မပြောလိုက်နိုင်ခဲ့ဖူး ။ ညီ .. လုပ်ရက်လိုက်တာ ညီရယ်။

တနေကုန် ပျော်မြူးနေခဲ့တဲ့ ကျွန်မရဲ့အပျော်။ ကျွန်မရင်ထဲက မျှော်လင့်ချက်။ နှစ်နာရီကျော်ကျော် ကွာဝေးတဲ့ နေရာကို သတ်မှတ်ချိန်ထက် စောပြီးလာကြိုနေမိတဲ့ကျွန်မ ………………………….

မျက်ရည်တွေ ပေါက်ပေါက်ကျလို့ … ကျွန်မကို ကျွန်မ သတိမထားလိုက်မိခင်မှာပဲ ကျွန်မ ရှိုက်ကြီး တငင်ငိုချလိုက်မိပါတော့တယ်။ အော်.. ဧပရယ်ဖူးလ်တဲ့လား .. ညီရယ် ။

ကျွန်မ ပိန်းခဲ့တာမဟုတ်ဘဲ ကျွန်မလေ … သိပ်မျှော်လင့်ချက် ကြီးခဲ့တာပါ ။

ဧပရယ်ဖူးလ်နဲ့အပြိုင် ပျော်ရွှင်မှုလေးတခုအတွက် လူတယောက်ရဲ့မျှော်လင့်ချက်ကို ရိုက်ချိုးမိသလို ဖြစ်ခဲ့ရင် စစ်မှန်တဲ့ ပျော်ရွှင်မှုလေး ဖြစ်နိုင်ပါ့ဦးမလားဟင် ……………………………..။


( မနက်စောစော ဖုန်းမြည်သံလေးတခုနဲ့အတူ စိတ်ကူးမိသွားတဲ့ စိတ်ကူးသက်သက်ပါ ။)


Wednesday, March 30, 2011

လွယ်ကူရိုးရှင်းတဲ့ နှစ်ပင်လိမ်ခရိုရှေးထိုးနည်း ..

ဒီပို့စ်မှာတော့ နှစ်ပင်လိမ်ထိုးနည်းလို့ ခေါ်ကြတဲ့ Double Stich ထိုးနည်းကို မိတ်ဆက်ပါ့မယ် ...
တပင်လိမ်ထိုးနည်းကိုရပြီဆိုရင် မခက်ပါဖူး ... ကျွန်မအမြဲ ထည့်ပြောလေ့ရှိတဲ့စကားလေး ရှိပါတယ် .. လက်ညိမ်အောင်သာ ကျင့်ပါ ......



ပထမဦးဆုံး အပေါ်ကပုံအတိုင်း ဖြစ်လာဖိုအတွက်ကို ကျွန်မတို့ . ကျစ်ဆံမြီးလေးအရင်ထိုးထားရပါမယ် .. ကိုယ်လိုချင်တဲ့အရှည်ရောက်ပြီဆိုရင် .. နှစ်ပင်လိမ်စယူလို့ရပါပြီ ... ကျစ်ဆံမြီးအဆုံးကနေ နောက်ကိုပြန်လှည့်ပြီး ယူသွားမှာဖြစ်ပါတယ် .. အပ်ဖျားလေးနဲ့ ချည်ကို တချက် ကော်ပြီး ယူသိမ်းထားပေးပါ ... ပြီးတဲ့အခါမှာ နောက်တချက် ယူဖို့အတွက်ကို .. ကျစ်ဆံမီးလေးကို နှစ်ခုကျော်ပြီးမှ ကျစ်ဆံမြီးထဲကနေ ပုံပါအတိုင်း ချည်ကို နောက်တချက်ယူပေးရပါမယ် ...


သုံးခုမြောက်ကျစ်ဆံမြီးကနေ ကျော်ယူထားတဲ့ချည်ရယ် .. ပထမတခါ အပ်ဖျားလေးနဲ့ ယူထားတဲ့ချည်ရယ် .. ဆိုရင် နှစ်ကွင်းဖြစ်နေပါပြီနော် ... နောက်ထပ်တချက်ကို အပ်ဖျားလေးနဲ့ ယူပေးရပါမယ်.. ယူလို့ရလာတဲ့ ချည်ကို ခုနက ကွင်းလေးနှစ်ခုကိုလျှိုပြီး ပထမဆုံးစယူလိုက်တဲ့ကျစ်ဆံမြီးထိပ်ကွင်းလေးကနေ ဆွဲထုတ်ယူလိုက်ပါ ... အဲ့ဒါဆိုရင်တော့ ပုံပါအတိုင်း နှစ်ပင်လိမ်လေးတခုရပါပြီ ...


တခုပြီးတခုဆက်ထိုးသွားပေးပါ ..... လက်မညိမ်ရင်မညိမ်သလို စောင်းတာရွဲ့တာတွေ စတင်ရင်ဆိုင်လာရမှာဖြစ်ပါတယ် .. သတိပြုရမှာတခုက ချည်ကို အပ်ဖျားနဲ့ယူတဲ့အခါ အောက်ဘက်ကနေ အပေါ်ကို ပြန်ယူပေးဖို့ပါနော် ... ပြောင်းပြန်ယူမိရင် အချိုးမကျဖြစ်နေပါလိမ့်မယ် ...



စယူလာခဲ့တဲ့ ကျစ်ဆံမြီး ထိပ်ဖျားထိ ပြန်ရောက်သွားပြီဆိုရင်တော့ အပေါ်ကိုနောက်တဆင့်တက်ပေးရမှာဖြစ်ပါတယ် ..



တဆင့်ပြီးတဆင့်ဆက်ယူပေးသွားရင်း နောက်ဆုံးမှာတော့ ဒီလိုမျိုးလေးကို ရလာမှာဖြစ်ပါတယ် ...




ဦးထုပ်ထိုးရန် ကြံစည်နေသူများ ... မာဖလာထိုးဖို့ ကြံရွယ်နေသူများ ... ဝေ့စကုတ်လေးဆို ဘယ်လိုနေမလဲဆိုပြီး စဉ်းစားနေတဲ့ မမများ ..... ဒီအဆင့်လေးကို လက်ညိမ်အောင် လေ့ကျင့်ပေးပါလို့ .. ထပ်မံတိုက်တွန်းပါရစေ ...

ဒီနေ့ ....

puúLay:rSm aywHoHk;jyD; rsO;fajzmifUwpfaMumif;qGJMunfUyg/ ajzmifUpif;aerSmyg/
ckeu MuufOay:rSm rsOf;ajzmifU qGJMunfUr,fqdk&ifaum ....

qGJvdkU&rSmr[kwfygbl;/ / tu,fí tJ'DMuufOay:rSm rsOf;ajzmifU qGJvdkU&&ifawmU tJ'drsOf;[m rsOf;ajzmifUr[kwfygbl;/ rsOf;auG;yJ jzpfrSmyg/bmvdkUvJqdkawmU rsufESmjyifu cHk;aevdkUav .....

rsOf;ajzmifUwpfaMumif;&csif&if tajcnDwJU rsufESmjyif&Sd&r,f/
pdwfaumif; apwemaumif;eJU tvkyfvkyfwJUtcgrSm tjypfrjzpfapcsif&ifawmU tajcnDwJU rsufESmjyifjzpfaezdkUawmU vdkwmaygU

ကျွန်မရင်ထဲကနေ လက်ရှိဖြစ်နေတဲ့ စဉ်းစားမိနေတဲ့အရာတွေနဲ့ ဆက်စပ်လို့ပေါ့လေ .. တွေးဖြစ်သွားတယ် ..

ဒီရက်ပိုင်း ကျွန်မရဲ့ လူမှုပတ်ဝန်းကျင်ထဲကနေ ထွက်သွားချင်လောက်တဲ့ထိ စိတ်တွေရှုပ်နေခဲ့တယ် ...
ဘယ်လိုမှ ရွေးချယ်ခွင့်မရှိနိုင်တဲ့ လမ်းကြောင်းတခု .. ရွေးချယ်ခွင့်မရှိတာထက် ရွေးဖို့ကို ဘေးကြပ်နံကြပ် ..
ဒီတခုကို ငါ ရင်မဆိုင်ချင်ရင် တဘက်လမ်းကလျှောက်ရမယ် .. လျှောက်သင့်ရဲ့လားဆိုတာ ပြန်စဉ်းစား ....
ကျွန်မလျှောက်ဖို့အင်အားမရှိခဲ့ဖူး ... ဆိုတော့ကာ ရင်ဆိုင်မှကိုရတော့မယ် .. ဒါလက်ရှိအနေအထား ...

အဲ့ဒီရင်ဆိုင်ရမယ့်ကိစ္စတခုအတွက် ကြည့်ပြန်တော့ကာ ကြက်ဥပေါ်မှာ မျဉ်းဆွဲရတဲ့အခြေအနေ ..
ကိုယ်ကပဲ မပြည့်ဝတာပဲလား .. ကျွန်မဘာမှားလဲ .. ပြန်သုံးသပ်တယ် .. ကျွန်မရဲ့ အဓိက အားနည်းချက် .....
ကျွန်မ ရန်မများချင်ဖူး ... အဲ့ဒီတော့ကာ .. လူပါးဝသမျှခံနေရပြန်ရော .. ခံနေရလို့ ကျွန်မငြိမ်းချမ်းနေလား .. ဟင့်အင်း ... နိုးဝေးး . ကိုယ်က စိတ်ထက်တဲ့လူဖြစ်နေပြန်ရော .. အစွန်းနှစ်ဘက်မှာ ကျွန်မ တကိုယ်ထဲနဲ့ ၀ိဝါဒ ကွဲပြားနေပြန်ရော ....

ကျွန်မမေမေဆုံးမဖူးတယ် .. ကိုယ်ကောင်းရင်ခေါင်းမရွေ့ဖူးတဲ့ ... ပြီးတော့ သည်းခံဖို့မေတ္တာအေးတရား ....
စိတ်ထက်လွန်းတဲ့ကျွန်မ .. အဆုံးရှိသရွေ့သည်းခံတော့ နောက်ဆုံးရလဒ် .. ကျွန်မဘယ်လိုမှ သည်းမခံနိုင်တော့တဲ့အခါ .. ကျွန်မသိပ်ပူလောင်တယ် .. သည်းခံပေမယ့်လည်း တကယ့်ကို ကြက်ဥပေါ် မျဉ်းဖြောင့်ဆွဲရသလိုပဲ .. ဘာတွေမှားလဲ .. ဘာတွေပြင်ရမလဲ .. ဘာလုပ်သင့်လဲ ...

သည်းခံခြင်းဆိုတာ အရာရာကို အောင်နိုင်စေသတဲ့ .. တကယ်ရောဟုတ်ရဲ့လား ..
ဦးတည်ရာလမ်းကြောင်းတခုအတွက် လျှောက်လှမ်းနေတဲ့ကျွန်မ .. ကြုံရတဲ့ ခလုတ်ကသင်း သိပ်များလွန်းတယ် .. လောလောဆယ်အကြီးမားဆုံးဝဋ်ဒုက္ခတခု .. ကျွန်မဘယ်လိုရင်ဆိုင်သင့်လဲ .. ဘယ်လိုရင်ဆိုင်ရမလဲ ..
ဘာတွေလုပ်သင့်လဲ ... ကျွန်မမှာပဲ လိုအပ်နေသေးတာလား ... ကျွန်မကပဲ မပြည့်ဝသေးတာလား ..........
.................................................. .................................................. ................................
ဘယ်လိုမှကို သည်းမခံနိုင်လောက်အောင်ပါပဲ .................................................. .......

Tuesday, March 22, 2011

လွယ်ကူရိုးရှင်းတဲ့ တပင်လိမ်ထိုးနည်း

ဒီနေ့အတွက်တော့ တပင်လိမ်နည်းလို့ အလွယ်ခေါ်လေ့ရှိတဲ့ ထိုးနည်းလေးကို ဆက်သွားကြရအောင်နော် ..
ပထမဦးဆုံးအတွက် ပြီးခဲ့တဲ့တခေါက်တုန်းက ကျစ်ဆံမြီးထိုးနည်းလေးကို လေ့ကျင့်ခဲ့ကြတယ် မဟုတ်လား ..
ကိုယ်လိုချင်တဲ့အရှည်တခုရတဲ့ထိ ကျစ်ဆံမြီးလေးကို အရင်ထိုးထားရပါမယ် . ဥပမာ ကျစ်ဆံမီးပေါင်း အခု ၅၀ ဆိုတာမျိုးပေါ့ ..
လက်ညိမ်ရင်ညိမ်သလို ထိုးရခက်တာ လွယ်လာတာဆိုတာကို ဒီ တပင်လိမ်နည်းလေးမှာ စသိလာရမှာဖြစ်ပါတယ်...
အခုပထမဦးဆုံး လေ့ကျင့်ရုံအတွက်ကတော့ ကျစ်ဆံမီးလေး အခု ၂၅ ဆိုလုံလောက်ပါပြီ ..



အပေါ်ပုံမှာပြထားတဲ့အတိုင်း ကျစ်ဆံမီးထိုးတဲ့အခါ .. နောက်ဆုံး၂၅ ခုမြောက်ကနေ ပြန်စရမှာပါနော် .. ကျစ်ဆံမီးလေးယူတဲ့အချိန်မှာ အပ်ဖျားကို နောက်တခေါက်ထပ်လိမ်ပေးပါ ..



ဒီပုံလေးမှာပြထားတဲ့အတိုင်း ပထမတဆင့်ဆွဲထုတ်ပါမယ် .. ကျစ်ဆံမီးထိုးတုန်းက တခါပဲ ဆွဲထုတ်ရတာကို သတိပြုမိကြမှာပါ ..
တပင်လိမ်ထိုးနည်းမှာတော့ နှစ်ဆင့်ဆွဲထုတ်ရမှာဖြစ်ပါတယ် .. အပေါ်ပုံမှာတော့ တဆင့်ဆွဲထုတ်ပြထားပါတယ်



ဒီအပေါ်ကပုံမှာတော့ ဒုတိယတဆင့်ထပ်ဆွဲထုတ်ထားတာပါ



နှစ်ဆင့်တိတိ ဆွဲထုတ်ပြီးပြီဆိုရင်တော့ ဒီအပေါ်ကပုံလေးမျိုးအတိုင်းဖြစ်သွားပါလိမ့်မယ် ..



တခုပြီးတခုဆက်ထိုးသွားမယ်ဆိုရင်တော့ ဒီလိုမျိုးလေး အတန်းကလေးဖြစ်လာမှာဖြစ်ပါတယ် ..



နောက်ထပ်ဆင့်တက်ချင်တယ်ဆိုရင်တော့ ကျစ်ဆံမီးအရှည်ဆုံးတဲ့ထိပြန်ထိုးပြီးတာနဲ့ အပေါ်တဆင့်ကိုထပ်ယူလို့ရပါပြီ ..
သတိပြုရမှာက ကျစ်ဆံမီးကွင်းတွေကျော်ယူပီးမထိုးမိပါစေနဲ့ .. ကျော်ယူမိရင်ယူမိသလို ရွဲ့သွားတာ စောင်းသွားတာ ဖြစ်သွားမှာပါ ...



တဆင့်ပြီးတဆင့် အပေါ်ကိုတက်တက်ပြီး ယူသွားပေးမယ်ဆိုရင်တော့ ဒီပုံလေးထဲကလို ဒီဇိုင်းမျိုးလေးကိုရမှာပါ ...
ဒီအဆင့်မှာသေချာလက်ညိမ်အောင် ထပ်လေ့ကျင့်ပေးဖို့ မှာပါရစေနော် ..

ဒီလိုမျိုး တပင်လိမ်ထိုးနည်းလေးကို သေချာရသွားပြီဆိုရင် ဒီဇိုင်းလှလှလေးတွေတင်ပေးပါ့မယ် ..
တပင်လိမ်ထိုးနည်းတမျိုးကိုပဲ အမျိုးမျိုးအယူအဆတွေနဲ့ ထိုးသွားလို့ရပါတယ် ..

သော့ချိတ်ကလေးတွေ .. ဖန်ခွက်အောက်ခံ .. တီဗွီဖုံး . နောက် မာဖလာ .. ယုတ်စွအဆုံး အကျီအထိ ထိုးလို့ရပါတယ် ...
သေသေချာချာလက်ညိမ်အောင် လေ့ကျင့်ဖို့တော့ မမေ့ကြနဲ့နော်

Thursday, March 17, 2011

လွယ်ကူရိုးရှင်းတဲ့ အခြေခံကျစ်ဆံမီးထိုးနည်း


ပထမတဆင့် ကွင်းကလေးဖြစ်အောင်ဖန်တီးတဲ့နည်း ပြီးတဲ့အခါမှာ နောက်တဆင့်တက်ကြစို့နော် ... တဆင့်ပြီးတဆင့် လိုက်လုပ်ကြည့်ပေးကြပါလို့ ဖိတ်ခေါ်ပါတယ် .. ဘာလို့ဆိုတော့ ဒါလေးတွေက လွယ်လွယ်လေးတွေဆိုပြီး အကျင့်မလုပ်ဘဲ Pattern တွေစတော့မှ ကြည့်ပြီးထိုးလည်း ပုံလေးတွေ ထွက်လာမှာ လက်ရာတခုကို ဖန်တီးနိုင်မယ့်သူတွေရှိလာမှာ ဖြစ်ပေမယ့် သေသပ်မှုခြင်းကွာလို့ပါ ... မပင်မပန်းဘဲ အလွယ်တကူလေ့ကျင့်လို့ရမယ့် အခြေခံလေးတွေမှာ စပြီး ကျင့်ကြစို့နော်



ဒီအပေါ်ပုံကအတိုင်း ပထမတဆင့်မှာ ကွင်းကလေးဖြစ်အောင်ဖန်တီးခဲ့ပြီးပါပြီ . ကဲ .. အောက်က တပုံကို ကြည့်လိုက်ပါဦးနော် .. ကြိုးအတိုစလေးဘက်ကို လက်နဲ့ထိန်းကိုင်ထားရင်း ကိုယ်တကယ် ဒီဇိုင်းလုပ်ရမယ့် ချည်အရှည်ဘက်ကို စယူပါမယ်..
ယူတဲ့နေရာမှာ အပ်ကိုညာဘက်အောက်ကနေ ပုံပါအတိုင်း ယူပေးပါ ကွင်းကလေးပြုလုပ်စဉ်ကအတိုင်း အပ်ထိပ်ဖျားကလေးနဲ့ ယူသွားပေးပြီး ကွင်းလေးထဲကို နောက်ပြန်ပြန်ဆွဲပေးလိုက်ရင် တဆင့်ရပါပြီ ...



ဒီပုံလေးမှာတော့ ကွင်းထဲကနေကြိုးကိုဘယ်လိုဆွဲပေးတယ်ဆိုတာလေးကို ပြထားတာပါ



တဆင့်ပြီးသွားတာနဲ့ နောက်အဆင့်တွေမှာလည်း .. ဒီလိုမျိုးပဲ တချက်ချင်းယူသွားပေးပါ .. ယူပုံယူနည်းကတော့ အတူတူပါပဲ ..
ကျွန်မတို့ ငယ်ငယ်ကတော့ ကျစ်ဆံမီးထိုးနည်းလို့ခေါ်ပါတယ် ..



အချက်၂၀လောက် ဖန်တီးပြီးတဲ့အခါမှာတော့ ကိုယ့်လက်ရာ တကယ်ညိမ်လားမညိမ်လား ခန့်မှန်းလို့ရပါပြီ .. မညိမ်ရင် ဆက်မလုပ်ပါနဲ့ .. အစကနေနောက်တခေါက်ပြန်ကျင့်ဖို့ ပြောပါရစေ .. အစပိုင်းမသိသာပေမယ့် . လက်မညိမ်တဲ့အခါ ကိုယ်ဖန်တီးမယ့်ဒီဇိုင်းတခြမ်းရွဲ့သွားတာမျိုးထိ ဖြစ်တတ်ပါတယ်.. စိတ်ရှည်ရှည်ထားဖို့တော့ လိုပါတယ် .. အလေ့အကျင့်ပါပဲ . နောက်ပိုင်းဆို တီဗွီကြည့်ရင်း ထိုးတဲ့မမတွေတောင် အများကြီးပါပဲ ....



ကျွန်မတို့ငယ်ငယ်ကတော့ ကျစ်ဆံမီးထိုးနည်းလို့ခေါ်ခဲ့ပါတယ် .. တကယ်လည်း ကျစ်ဆံမီးလေးနဲ့တူတာကိုး .... နောက်ပိုင်း ထိုးမယ့်ပုံစံတွေအားလုံးအတွက် အခြေခံအကျဆုံးထိုးနည်းတခုပါပဲ . ဒီအဆင့်လေးကို သေချာလက်ညိမ်အောင် စိတ်ရှည်ရှည်နဲ့ လေ့ကျင့်ပေးကြပါလို့ တိုက်တွန်းပါတယ်